Nontje, dari Manado Post, mo cari tau apa sebenarnya yg Materazzy bilang pa Zidane sampe dia dapa tandu waktu piala dunia yg lalu. Kalamaring Nontje pigi ka Prancis kong baku dapa deng Zidane.
Nontje: "Apa butul Materazzy bilang ngana teroris sebelum ngana tandu pa dia"?
Zidane: "nyanda, bukang itu"
Nontje: "Apa dang? Apa dia bilang ngana pe mama bukang parampuang bae-bae?"
Zidane: "Dia nyanda cumu kita pe mama"
Nontje: "No apa dang? Kase tau kua pa kita" (ba cubi mata sadiki kong molai buka depe blus pe knop)
Zidane: "Masa dia bilang kita pernah barmain di Persmin. Kita nyanda trima. Kita butul-butul saki hati. No dia rasa jo no dapa siguju deng kita pe kapala"
Nontje: "Awas ngana eh. Kita mo goso minya sosasa ngana pe testa tasa itu"
O we wei, pa Zidane dang
No comments:
Post a Comment