Jenis Kelamin

Benni, Ungke deng Chae ada di kantor kumtua , mo isi formulir for pilkada.

Kumtua:"He .. ini formulir musti isi bae bae deng butul butul, biar torang dapa urus bae bae ini pilkada .... ada tu nyanda mangarti ... tanya skarang".

Benni, Ungke deng Chae cuma ba diang.

Kumtua:"Oke ... kalu bagitu ngoni so mangarti ... skarang isi samua bae bae ne".

Baru brapa menit, Chae angka bicara:"Kitya pe nama musti isi kang".

Kumtua:"Tadi so kase kesempatan nyanda ada tu ba tanya ....... isi tu ngana pe nama butul ...isi samua".

Chae ba tanya ulang:"Tu tampa deng tanggal lahir musti isi kumtua?"

Kumtua:"Adooo ngana ..... so bilang musti isi samua ....... biar torang tau ngana so bisa ba pilih ato nyanda".

Chae:"Kumtua .......".

Kumtua:"Ada apa lei deng ngana ...... batanya trus ...... kyapa ... ngana nyanda tau ba tulis ato apa?"

Chae:"Kitya bingong .... kalu tu jenis kelamin ..... kitya musti tulis apa?"

Kumtua (so pastiu):"He Chae .... ba tanya trus .......... nyanda usa tulis apa apa .......... ngana gambar jo"