Ta punya saudara, dia baru datang dari Manado (nyong nyong). Suatu waktu ta ajak dia jalan-jalan, naek bis tingkat ley. Torang duduk diatas bangku paling depan, supaya bisa dapa lia tu pemandangan langsung. Tau jo kang, di Manado belum ada tuh bis tingkat.
Setelah beberapa menit mobil bajalang, ta lia tape sodara, duduk so nyanda tenang. De pe kaki so totofore. Tatanya, kiapa ngana....totofore bagitu.
Dia nyanda jawab, depe tangan seperti mencengkram keras tu tampa dudu.
Kita tambah bingung, kiapa dia. Tau tau dia Batariak, sambil pegang tape kepala..."MARUKU CAPAAAT....."
Ta kage, hei kiapa ngana.....oh...kita baru mangarti. Ternyata to oto sedang melewati kolong jembatan, depe kira torang mo tatubruk to jembatan.
Ta lia kebelakang, penumpang lain tatawa ukur tobat....so malo kita.
No comments:
Post a Comment