So di Bahu?

Om Wellem dari Kema mo ka pasar Bahu, mo pi ba tibo. Abis dia muat tu bunga popaya deng sayor paku di atas oto pe deck, dia trus maso ka dalam oto pi ba sosuru deng tu penumpang laeng..

Kebetulan pas tinggal satu tampa dudu, diantara pa tanta Meita deng tanta Unggu'..

Lantaran kasiang ni om Wellem so talalu lalah nyanda tidor butul, jadi dia tasono bagus.

Sementara ni om Wellem tasono, ni tanta Unggu pe mata kurang da haga-haga grell,.. bagimana nyanda, om Wellem pe kapala so jaga ta rubu pa tanta Unggu pe dagu, sampe ka toto'..

So sekitar 5 menit stou om Wellem pe kapala da ta sandar bagus pa tanta Unggu pe toto', lantaran so nyanda tahang, kong tanta Unggu tampeleng bagus pa om Wellem pe muka. Plakk..!!!

Om Wellem langsung ta bangun jaha, kong sambil ba lap dia pe ewe', ba tanya pa tanta Unggu..;

Om Wellem : "So di bahu dang..?"

Tanta Unggu : "Pe yakis deng ngana Wellem..!!"

Om Wellem : "Heh,, kiapa ley ngana.., kita da tanya bae-bae do'ee, so di bahu..?"

Tanta Unggu : "Ini bukan ley so di bahu, maar so sampe di TOTO'...!!"