Arti Sex

So dari dulu oom Ellem nintau apa arti kata sex,sore sore lia anak anak muda da dudu lalu oom Wellem tanya pa dorang.

Oom Ellem ; Eh..ngoni tau apa kwa tu arti Sex ?

Tu anak anak pe jawab ; Oh itu kata Sex pe arti yaitu kebutuhan rumah tangga oom,

oom Ellem pe dolong hati ,oh Sex itu pe arti kebutuhan rumah tangga dang ? ta kira apa lei.

Kebetulan sabantar malang oom Ellem mo pigi di kebaktian sembayang syukur di buurman pe rumah.

Abis kebaktian bagini oom Ellem mo cepat pulang tagal mo bantu pa maitua voor eso mo bajual di pasar.

Lia oom Ellem mo pulang pandita tanya ,Eh oom Ellem sini dulu kwa bacirita sadiki deng torang,kiapa mo lekas lekas pulang ?

Oom Ellem pe jawab; Oh jang marah neh, kita kwa lagi sibuk mo pulang cepat mo Sex deng matua dulu.