Sinyal pe Harga

Di Minahasa Cengkeh lagi nae daong.Harga lei pe sedap pernah sampe Rp 95.000 satu kilo jadi jangan coba-2 ele Bier dorang beking jadi rupa air for cuci tangan.Sekali waktu ada om-om dari kampung datang di Menado mo beli Handphone. Waktu mo beli dia tanya ei Touke ini Handphone yang bagus berapa dia pe harga. Tauke langsung jawab kalau ini agak mahal dia pe harga Rp 4.500.000 kong yang ini murah cuma Rp 3.000.000. Om rupanya nianda banya batanya langsung bilang sudah kita ambe yang Rp 4.500.000. Tauke rupanya kasiang lia dia kong dia tanya Om kote tinggal dimana. Oh kita tinggal di kampung.....(jangan cumu yang punya kampung so mo marah). Tauke langsung bilang; Om disana nianda bisa pake ini barang. Om dengar itu langsung nianda sedap.......Kiapa so kita nianda bisa pake disana .Tauke jawab Disana Om nianda ada Sinyal. Om marah dia terus bilang Berapa so itu sinyal pe harga sekalian jo kita beli.