Milu

Angkutan kota di Manado paling tidak mau muat binatang; mungkin karena kotor atau nanti orang laeng nianda mo nae.

Satu kali ada itu om mo pigi jual B*bi di pasar dia pikir susah sekali; masak so mo gendong tu B*bi kong bawa. Pikir punya pikir akhirnya dia dapa akal; itu B*bi dia kase maso di karong.

Dengan tenang om kase stop itu oto dia angka itu karong kong kase muat di oto. Sopir deng beberapa orang di oto batanya; Apa dok om itu di karong rupa hati-2 sekali om angka itu karong.

Om jawab oh nianda itu Milu; kita tako jangan karong pica kong tafiaro.

Orang-2 badiang kong oto bajalang baru kira-2 5 menit oto bajalang kong ada itu anak kecil batada di oto. Rupanya si Milu ta kage kong bataria deng bagoyang.

Orang di oto ta kage kong bafeto pa Om .

Eh Om; Om kote ada bawa B*bi om bilang Milu.

Om cuma tatawa deng kalem bajawab ngoni memang butul itu B*bi pe nama MIlu no.