Danau Tondano pe Loas

Otje salalu nimau kala kalu bacirita deng Ola.

Otje: "La, kita kua tau samua keadaan di Minahasa"

Ola: "Molai lei ngana pe makang puji"

Otje: "Kalu nda percaya, no tanya jo pa kita. Kalu kita nyanda dapa jawab, kita bayar spulu ribu pera, Maar kalu kita tanya kong ngana nyanda dapa jawab, ngana cuma bayar saribu pera"

Ola: "Setuju. Apa dang ngana pe pertanyaan?"

Otje: "Brapa ni danau Tondano pe loas?"

Ola: "Sapa lei mo pi ukur ni danau. Ngana ada ada jo"

Otje: "Ha, nintau to, kase kamari jo tu saribu."

Ola: (Nimau kala). "Binatang apa yang kalu nae gunung Lokon pake tiga kaki maar waktu turung pake ampa kaki"

Otje: "Ngana pe moskon deng ngana. Binatang apa lei itu. Nyanda pernah kita tau". (Terpaksa Otje kase spulu ribu).

Otje: "La, kase tau kua pa kita binatang apa dang kalu nae Lokon pake tiga kaki maar waktu turung pake ampa kaki?"

Ola: "Kita lei nintau" (sambil kase saribu pa Otje kong lari).

So itu kua ngana Otje, jang tunjung pande. Napa Ola so tatawa mangingi di warong tinutuan

Mur

Otje da bezuk pa Ola yang lagi dirawat di Dr. Manus.

Waktu mo pulang, dia pe Avanza pe ban kiri muka so kempes. Pe soe lei so mo ujang kras..kong bagitu dia kase lapas tu roda, ada pasien laeng bawa lari depe mur roda kong buang kamana stow.

Otje so bingo amper mo manangis. Lia bagitu Ola datang barapat pa Otje.

Ola (sambil cigi2 rambu) : "Kiapa ngana mo manangis? ambe jo satu mur dari tiap roda kong ngana pasang di roda kiri muka itu noh!! nanti kalu dapa bengkel baru ngana beli 4 biji mur yang ilang".

Otje (sambil mangingi) : "Hebat ngana !! no kiapa dang ngana ada disini?"

Ola : "Kita disini karena GILA, bukang karena BODOK"

Banyak Tatoo

Suatu hari ada ini waseng mati, kong dy mnghadap malaikat di akhirat, kong malaikat interview pa dy:   

malaikat: adoh waseng, klo qt mo lia pa ngn p file wktu ngn di dunia, ngn p kejahatan p bnyk skli jdi ngn qta  mo kse mso di neraka. 

@waseng: memang so itu tu kita pe mau, supaya qta mo tes tu nakal2 yang ada di neraka. 

Pas maso neraka waseng langsung buka baju kong dy kse tunjung dy p tato2 yang  adä pa dy p badan. Samua org yang ba lia pa dy, dy lngsung ja sok. 

@waseng: kiapa lia2 kurang senang pa kita ngoni!!! 

Samua org di neraka lngsung tako ja lia pa dy, mar cma  1 pace gondrong da dudu santai kong ba haga2 sinis pa dy, pas alo ba lewat waseng lngsung tarek pa alo kong waseng bilang... 

@Waseng: jap sapa tu gocap sana yang ja ba haga2 sinis pa qt, rupa denk nakal dy kang, 

@alo: o koman jap, jgn klo dy.  

@waseng: so nakal bgmn so dy, qt p kasus di bumi 4X pembunuhan, 6X perampokan, 5X pemerkosaan no kurang le itu. 

@alo: tele jap, klo dy cma 1 dp kasus, mar ksus pling sadis. 

@waseng: sapa so dy??? 

@alo: ngn mo tau dy spa, so dy tu YUDAS ISKARIOT, deng Tuhan YESUS dy jual apa lagi ngn, dia timbang kilo 1X deng ngn p tato2..

Kous Betmen

Alo: pa.. bli akang kous betmen koa pa qta.

pa2: iyo alo. nanti pa2 pi bli di pasar 45. 

depe beso alo pe pa2 langsung pi ka 45 mo cari alo pe kous betmen.so ta putar2 dpe pa2 mar depe pa2 lia2 cuma ada kous tulisan batman.

lantaran depe pa2 ragu depe pa2 nda jadi bli no kong dia pulang.sampe di rumah alo tanya "mana dang pa tu kous?????!!"

depe pa2 bilang: "ah.. pa2 so lalah da ta putar2 di 45 sana mar cuma ada kous batman. nya ada yang betmen.

alo bilang: so itu no pa tu kous betmen. depe tulisan memang batman mar baca betmen.

alo pe papa tus bale feto pa alo: segala rupa jo deng ngoni anak2 skarang. huruf A kua mo baca E.. lama2 pa 'papa' ngoni somo pangge Pepe =)) 

Selop Gepe

Enci: "Utu, gunakan bahasa Indonesia yang baik dan benar kalu voor tugas mengarang".

Depe malo kong dia beking rabu2 tugas mengarang baru, puisi.

Utu : "Kau injak aku, kau seret aku, tapi tak kau buang aku, kau manfaatkan aku, kau injak lagi, dan kau seret lagi, Terimakasih!".

Enci: "Wah, dalam skali tu puisi eh. Bagus Utu, maar ngana lupa kase judul. Mo kase judul apa voor ni puisi ?".

Utu: Selop Gepe.

Enci: "?. ː̗=))ː̖_, \:D/ ː̗=Dː̖/ =))