Ada Pace mabo kong langsung mati......
Sampe di Neraka dia lia ada 3 pintu.
Pintu 1, ada org dapa Bakar.
Pintu 2, ada org dipotong2.
Pintu 3, ada org2 santai bermain kartu.
Pace sapu dada, ...dan tentu pilih yg pintu 3.
Pace makang puji tegur org yg da bermain : ceeh, ngoni enak sx, maso neraka sanang2 cuma duduk2 terus bmain remi.
Hahhahaa, so nda salah kita pilih disini.
Satu org manyao: badiam ngana bogo, ....kalo sapa kalah dapa goreng !!!!Ngana kira sadappp!!=D =D =))
1 comment:
Os, boleh mo tambah versi laeng lei?
Jadi ini Utu maso neraka, kong tu malaikat maut kase tunjung tiga pintu. Dia bilang,
Malaikat: Utu, ngana pilih jo dari ini tiga pintu tu mana ngana suka mo maso akang.
Utu: Boleh mo lia tu pintu pertama?
Jadi Malaikat buka kesana tu pintu pertama, pe banyak orang sementara babataria... adoo.. adow... karena ada malaikat laeng sementara ja cabu dorang pe kuku.
Utu: Adoh, pe stenga mati di sini.. boleh mo lia tu pintu kedua?
Malaikat komang buka tu pintu kedua. Pe banyak orang lei di situ ba bateriak lei dorang, karena dorang pe kulit sementara ja kupas hidup-hidup.
Utu: Idiih.. pe menderita ini komang.. boleh mo lia jo tu pintu ketiga?
Malaikat buka akan gtu pintu ke tiga, ada laut pe luas, mar laut punung dengan tai. Kong pe banyak kepala orang terapung-apung di atas.
Utu: Ah ini tu sedap, nya menderita biar jo bobou, mar yang penting cuma baberenang di ini laut. Sini jo kita mo maso.
Jadi tu malaikat se maso pa dia, so senang tu Utu. Pas dia maso, babunyi kemari bel, kong ada malaikat bilang, "Jam istirahat selesai, turun-turun" Utu lei malaikat suruh menyelam.
Utu: @^%&$@^*<>@#*(*!!!
Post a Comment