Enggres Ostrali

Kira-kira so lebe 3 bulan da bapasiar pa dorang pe anak di Brisbane - Ostrali, Tante Altjedeng Om Piet pulang ka Indonesia pake pesawat Garuda. Kong waktu baselewir makanan deng minuman di pesawat, nyanda sengaja tu pramugari kase tumpa minuman pa tante Altje pe blus. Tante Altje trus nae darah...Dia fikir ini pramugari rupa pandang enteng pa dia, jadi so musti kase tunjung gigi. Biar katu tu pramugari so minta maaf, tante Altje tetap baveto kuat-kuat:"Hei...good good you e…!!!" Tu pramugari jadi tabingo-bingo deng Tante Altje pe kata-kata... Pramugari nda mangarti apa tu tante Altje da bilang, maar lantaran dia lia tante Altje pe muka so ganu skali jadi dia ulang-ulang lagi ba minta maaf. Maar tetap tante Altje baribut. Kong sarta itu datang pramugari senior batanya: "Maaf ibu, ada yang bisa saya bantu?". Yaaado do eee.. kong jadi lebe panas le ni tante Altje.Langsung dia bilang:"Don't follow mixyou..!! Your children fruit..stupid not play!". Akhirnya karna nda mangarti apa ni tante Altje da bilang, ni pramugari baminta maaf sekali lagi kong langsung tumingkas alias bajao... Waktu kejadian tadi, om Piet cuma babadiam...(ular...ular...hehehe...) Sarta keadaan so mulai aman,kong om Piet babise pa tante Altje"Al.....kita nyanda sangka ngana so jago bahasa Enggres..Apa yang ngana da bilang pa tu pramugari tadiAl ?". Kong tante Altje jelaskan... "Pertama kita cuma da tegor bagini ...”hei bae-bae ngana e...!!!”(hei good good youe...!!!) Kong waktu depe boss datang dang ngana bilang apa pa dia Al ? Kita bilang...”Jang maso campur ngana..!! (don't follow mixyou).Ngana pe anak buah (your children fruit) ..bodok bukang maeng (stupid not play)”. Om Piet lebe kagum lagi... dia bise ulang mesra-mesra pa tante Altje: "Nyanda sia-sia ngana da hafal mati tu kamus Indonesia-Enggres karangan John M. Echols en Hassan Shadily, ngana pe logat so flot sama skali deng tu orang Ostrali, sampe-sampe itu pramugari reken so susah mo tangka ngana pe bicara".“Maso ngana no Al...” “Se ajar akang dang pa kita e Al tu bahasa Enggres...” Tante Altje rupanya masih da rasa gemes: me want suck ball eyes give out from nose (kita moisap depebijimata se kaluar dari depe lubang idong)......youwant to see ?(nganamo lia???)