Lima Taong Blum Bale Rumah

Satu kali Alo da dapa lia pa Ungke rupa da bahagia skali dang, lantaran penasaran Alo batanya...

Alo: " eh bro, rupa bahagia skali kang ngana ni hari ?"

Ungke: " io noh, soalnya kita ini baru da trima surat dari pa kita pe Bini di kampung kwa"

Alo: " kong apa dia bilang dang, berita bagus jo?"

Ungke: " io bro, soalnya didalam surat dia bilang kalo dia so melahirkan dengan selamat, ngana tau abis da baca tu dia kita sanang skali Alo lantaran kita akhirnya so jadi papa "

Alo: " kalo bagitu selamat dang Bro"

Ungke: " thanks bro, mar mari jo torang pigi baminung, pokoknya ini malam minuman kita yang traktir!"

Alo: " siip!, eh mar tantu ngana so suka capat2 mo pulang ka kampung ni dia kang?"

Ungke: " so pasti noh, kita kan so 5 taong nyanda pernah pulang"

Alo: ????

So dari bulan Mei

Alo, kerja kapal. Pas satu tahun di laut baru pulang.

So nya sabar mo bermadu kasih deng maitua (Mince). Mar depe slek, depe anak umur 7 thn ada di rumah. Karna so nda sabar, alo kase 100rb for depe anak,

Alo: "Utu... Napa doi pigi bli Ngana pe kukis, kaseh abis dulu ni doi baru pulang neh..."


Utu: "Iya, makase papa..."


Baru ada kaseh abis doi 20 rb kong so ba ujang. Soe lei. Lantaran itu Tanta Unggu yang punya warong langsung suruh Utu pulang.


Tanta Unggu: "Utu pulang jo ngana cepat, sbantar Ngana pe mama mo bage lagi pa Ngana, So ba ujang kong blum pulang-pulang..."

Karna tako utu langsung pulang....


Dirumah napa Alo sementara baojo pa Mince,


Alo: "Napa tu Januari punya, napa tu Februari punya... trusss... Smpe napa tu Oktober punya..."

Ba rasa ada orang ja ba uni akang pa dorang... Kong Alo ba lia ka belakanng, ta kage dia Utu ada di sei pintu.


Alo: "Eh utu... so berapa lama Ngana di situ?"


Utu: "Dari Bulan Mei, Papa..."