Anak-anak Bale Kampung for Natal

Napa om Alo di Kauditan ba telpon pa depe anak di Jakarta pas satu minggu sebelum hari Natal.

Om Alo: Kita nda bermaksud kase berita nda bae mar kita mo se tau pa anak-anak samua kalo kita deng ngoni pe mama somo baku pisah. So cukup kita hidop menderita so 45 taong ini.."

Utu: Hah, apa papa pe maksud dang ini?

Om Alo: Kita deng ngoni pe mama so nda bisa sama-sama lagi. So baku binci torang. Jadi ngana telpon jo ngana pe kaka Pingkan di Bandung kong se tau jo noh pa dia

Utu langsung telpon depe kaka yang langsung bilang pa dia: "Dorang nda mo cere, nanti kita tangani ini masalah."

Pingkan ba telpon kong bicara pa om Utu: Ngoni nda mo baku pisah. Jang beking apa-apa karena kita deng Utu somo kasana besok pagi. Nimbole beking apa-apa sebelum torang sampe

Om Utu tutu tu telpon kong bilang pa tante Mince depe istri: Utu deng Pingkan mo bale besok for ba Natal sama-sama deng torang. Nda perlu kase kaluar doi, dorang mo bayar dorang pe tiket sandiri!

Surat for Senterklas

Ade Pingkan Senterklas ada pangko kong opa kumis putih ba tanya.

"Ade mo suka hadiah Natal apa dang?"

Ade Pingkan ba haga heran kong dia bale tanya:

"Opa Senterklas nda dapa kita pe surat?"

Kuliah di Malam Natal

Tanggal 25 Desember so tengah malam. Petu karena so talalu banya minum cap tikus bajalang miring-miring di kampung. Nda lama Pala di kampung yang baru pulang pasiar Natal dola pa dia.

Pala: Petu, ba apa ngana jam bagini so mabo lei dapa lia kang?

Petu: Eh, ini kita lagi mo pi kuliah kasiang

Pala: Kong sapa lei di bumi ini yang waras-waras mo ba kase kuliah pa ngana malam-malam kong hari Natal bagini dang?

Petu: Kita pe maitua di rumah dang...

Manyanyi Lagu Natal

Ungke ada dengar-dengar depe kaka Alo latihan manyanyi.

"Alo, bagus ngana manyanyi itu lagu-lagu Natal noh."

"Iyo, mar kiapa ngana puji-puji bagitu dang?"

Ungke: "Supaya cuma mo dengar ngana pe suara satu taong satu kali noh" (fals kote Ungke pe suara kote)

Pohon Natal for Utu

Utu: Pa, beli akang dang pohon natal for torang di rumah? Ada dang di toko yang bajual pohon Natal di pasar.

Papa: (garo-garo kapala) Papa nda ada doi mo bli, Utu.

Mar Utu minta-minta trus sampe depe Papa rasa pastiu. Karena so nda tahan, Utu pe Papa langsung ambe depe tamako kong kaluar dari rumah. Eh nda lama Utu pe Papa so bale kong bawa pohon natal pe pai skali.

Utu: (kage) Adoh, pe capat skali Papa ada potong ini pohon

Papa: Papa nda ada potong ini pohon. Papa ada ambe di toko yang bajual pohon Natal yang di pasar itu.

Utu: Kong kiapa papa bawa-bawa itu tamako dang?

Papa: Ya karena kita nimau mo bayar itu pohon noh!

Laporan Cuaca pas Natal

"Torang nda bisa kase laporan tentang cuaca di Manado sebelum Natal karena torang hanya bisa tau dari laporan cuaca yang Lapangan Mapanget jaga kirim. Mar Mapanget skarang lagi tutu oleh sebab cuaca yang nda bagus.

Jadi untuk bisa torang kase tau laporan cuaca besok di hari Natal ya tergantung dari cuaca noh!"

Cara Bunuh Babi

Tole: "Pa torang klo ba bunuh babi cuma satu kali tikang....nda bataria langsung mati" 

Ungke: "Kalo torang di Sanger cuma satu kali pulungku di Kapala , tu babi langsung tepar" 


Alo: "Kalo torang di Laikit nda bgitu komang. Kasar katu ngoni pe cara ba bunuh babi,


Torang cuma se dengar lagu natal tu babi langsung mati babadiri!!

Kode for Batona

Ada ni carita oma dng dpe cucu (mincje) tinggal tasandiri di ujung kampung..
Kong ni nincje so ada cowo yg ja datang batona tiap malam..ni oma somulai curiga dnk ni laki-laki pe kalakuang..
Pas malam minggu oma bilang p mincje: Sabntar kalo tu cwo dtng oma mo pake kode batona pa nn.. dpe bgni kata kalau

MANGGA = PEGANG TANGAN. NANAS = CIONG BIBIR. POPAYA = PEGANG" T***

serta so malam tu cwo dtng knk bacrta dnk mincje di ruang tamu, ni oma cma di dpur.. so 1 jam bjalng oma ja b sein pa mincje.

OMA ; minjce buah apa tu..
MINCJE ; MANGGA oma..
OMA; hati2 ne..

Trus lbeh lat oma so lbeh tambah tu ja b'sein..

OMA; mincje....???.
MINCJE; baru NANAS oma..
OMA; awas hati2 nga...

so lebeh lat ni oma so lebeh curiga.. oma langsung spontan b tnya.
OMA; mincje.....
mincje; so POPAYA oma..
OMA; stop smpe dstu ne...

Lantaran oma so manganto oma tasono knk kage so jam 3.. oma iko dpa inga knk langsung btaria...

OMA;mincje buah apa tu....???
mincje jawab dng suara soooo laeeeeng..... so rujak omaa..

Alo deng depe Papa

Papa : "Alo, co nga pi bli akang minuman dingin d warong..."
Alo : "Coca-cola ato sprite, pa?"...:)
Papa: "Coca-cola jo....."
Alo : "Yang kaleng ato botol?"
Papa : "Botol.."
Alo : "botol basar ato kacili, pa?"
Papa : "Eh pe biongo ngana, pi bli air putih jo daaaang!!"..>:O
Alo : "AQUA ato apa?"
Papa : "AQUA!!"
Alo : "Biasa ato dingin?"

Papa (so napsu) : " mana SOSAPU mana SOSAPU, KITA MO TADA PA NGA..??!!"
Alo : "Sosapu lidi ato sapu gomutu??"
Papa : "Memang ngana ini..... Kalakuan rupa b*n*t*ng!!"
Alo : "Anjing ato babi, Pa?"
Papa : "B*** NGANA!!!"
Alo : "Babi parampuang ato laki-laki?"
Papa : "S*T*NG DENG NGANA!!!!"
Alo : "Pocong ato kuntilanak?"
Papa : "Pigi jo nganaaa!!"
Alo : "Pigi ka utang ato ka kubur?"
Papa : "Farek deng ngana...pigi joo.."
Alo : "Pi jao ato dekat?"
Papa : "Ba jao jo,lebe jao lebe bagus,papa so pastiu ja lia ngana pe muka".
Alo : "Pigi nihari ato besok?"
Papa: "Pigi skaraaaaaang!!"
Alo : "Papa mo iko ato nyanda?!!"
Papa : "Asli nga ini so gila, kita mo bunung pa ngana!!"
Alo : "Papa mo tikang ato tembak pa kita??"
Papa: "KITA MO TEMBAK PA NGANA!!!"
Alo : "Di kapala ato puru??"

Alo pe papa lsg stress maso RS kong akhirnya strok..

Miyabi

Ibu guru: Ade pe nama sapa??

Panji : Panji encii...

Ibu guru : Aduh eh..berarti ade pe papa suka ja bauni film Panji kang dulu??

Lalu ibu guru batanya pa tu ade di sablah....
Ibu guru : Kalo ini cewek manis dank sapa???

Sherina : Qt pe nama Sherina enci.....

Ibu Guru : Oooh berarti ade pe mama suka skali deng tu penyanyi Sherina kang??

Tiba2 dari bangku paling blakang ada ini om langsung badiri kong langsung cepat2 keluar dari kelas..Sambil dia tarek depe anak pe tangan dia basuara..

"MIYABI manjo pulang...torang cari sekolah laeng jo pa ngana!!!

Ayam Panako Peda

Tiap hari om ja kase makan tu Ayam deng milu, mar pas milu abis jadi om suruh depe Anak kase makan ubi Rebus jo.

Mar tu Ayam nyanda mo makan, kong anak ba Lapor : "Pak... Napa Ayam nimau makang!"

Om Tole langsung ba marah : "Oh... klo bagitu bawa akang tu peda kamari, kita mo lia tu ayam mo makang ato nyanda..."

Pas dengar kata peda, ayam so tako kong ayam langsung bataria :

"Sadiki le kwa...!! Masih panas tre kwa nih ubi!"

Mummy Mesir Oto Ada Tabrak

Ungke deng Alo pigi museum,

Kong pas ada pameran mummy dari mesir..

Alo: ungke, co ngana lia tu mummy.. mantab kang?

Ungke: iyo, mar kiapa disitu ta tulis 2255SM..? apa depe arti itu lo?

Alo (stel tau): so itu noh tu plat nomor oto yang da tabrak mati pa dia..

http://lumatauw.blogspot.my/p/manado-punya-carita.html

Beda Warna Sandiri

Tanggal tua; Petu bli kondom pa Ungke p warong..

...

Petu: so jang banya tanya ngana Ungke, brapa harga tu kondom?

Ungke: klo yg "PUTIH BENING", Rp. 10.000.. klo yg "IJO", Rp. 6.000..

Petu: yg 5 ribu, nda ada so Ungke..qta cuma pake for Ujicoba Kelayakan kwa.. (Petu coba babela diri lantaran so malo)

Ungke: ada warna "ITANG", mar qta nda tanggung jwb klo sampe bocor neh..

akhirnya Petu bli tu kondom warna ITANG krn nda tahang so sange berat! (rupanya, tu kondom bocor)

5 taong kmudian, tu anak so bsar.. waktu bmain, tu anak pulang mnangis..

Petu: qyapa ngana mnangis?

Anak: dorang ada gara pa kita pa'..dorang bilang qta anak haram..qta ITANG sandiri, ta p sudara laen PUTIH2..spa p anak so qta pa'..?

Petu: ya papa p anak nogh..papa sayang skali pa ngana..skarang bmaeng jo ulang, klo msh ada yg bagara nanti papa toki pa dorang..

Anak: io dang pa'..

Waktu tu anak ba bale bmaeng, dlm hati Petu berkata:

"Bae qta nda tamba SRIBU, IJO KWA NGANA ANAK.."

Sumbu Pende

Malam Pertama; Mince deng Petu baku polo dikoi, Petu diatas Mince p badan..

Mince: sayang..buka dang ngana p baju..ta suka mo lia ngana p otot dada..

Petu langsung ba angka badan mar masih da ba dudu diatas pa Mince p puru..kong pas Petu buka baju..

Mince: adoh, gagah skali kang ngana p otot dada dg ngana p lengan..keren!

Petu: Min..klo ibarat BOM (Bahan Peledak/Dinamit)..ta p dada ini sama deng 35 kg Bom..ta p lengan kiri 15 kg Bom..deng tu kanan 15 kg Bom..JADI SAMUA 65 KG BOM..!!!

Mince: DAHSYAT..!!! Ohhh.. Petu sayang..so napsu qta da lia pa ngana nogh..ta langsung buka jo ngana p clana negh..

Pas Mince buka Petu p clana (mar so nda pake clana dalam) Tiba-tiba Mince ba lompa kage dari koi..

Petu: iiiHHH..!!! qyapa ngana dang, Min..???
(tanya Petu ta heran2 da lia Mince so totofore di huk kamar)

Mince: nmau..!!! tako skali qta.. NGANA PE SUMBU PENDEE..EE....!!!!!

Cewe Gaga Bunuh Diri

Ada Cewe gaga badiri dpinggir jembatan tinggi mo bunu diri, kong pas Ungke lewat deng motor..

Ungke: Heiii..!!! da bking apa so ngana dsitu?

Cwe: mo bunu diri nogh, apa dang..

Ungke: pe gaga doo.... Cwe..sbelum ngana mo bunu diri, boleh nda qta minta ciong dbibir?

kong tu Cwe ciong pa Ungke p bibir sampe Ungke p kaki ta angka2 mnghayati tu Cwe p ciuman mauuttt..

Ungke: Bukkaa..annggg Maaee..eennggg..!!! kala2 jetpump ngana p sdotan bibir nogh.. Mana ada Cwo nda ta gila2 pa ngana doo.. Ngana Wanita Paling Sampurna yg samua Laki-laki da cari.. qyapa so ngana mo bunu diri dang, sayangku?

Cwe: so itu lei nogh.. mar ta p papa tetap NDA STUJU QTA JADI WANITA..

Ungke: HAAHHH..!!! KEODEE..E..EE..!!! #%&=/@+69*!!!
(Ungke pucat sambil lap2 bibir pake kanebo)

Tulis Tangan di Laut

Alo: ngana bawa dulu ni ikang pa mama, Anak.. kong bilang pa mama, papa mo ba KETIK
(KETIK: kode Alo deng Mince klo mo baku sayang)

Anak: io, pa..

lalu.....

Anak: ma, napa ikang papa da kse.. trus papa bilang, papa mo ba KETIK kata ma..

Mince: yaaa.. cpat bilang pa papa sblum papa turun, MAMA P TINTA LAGI MERAH..

kemudian.....

Anak: pa..mama p tinta lagi merah kata pa..

Alo: so jo dang klo bgitu, papa mo pi mangael ulang.. ..#&$%*@!!!!!!!

1 minggu ka muka..

Mince: nanti klo papa so pulang, bilang pa papa; mama da tunggu mo ba KETIK negh..

Anak: io, ma.. nti ta bilang pa papa klo papa so sandar..

trus...

Anak: pa mama bilang, mama da tunggu pa papa mo ba KETIK..

Alo: bilang pa mama, nda usa jo.. PAPA SO TULIS TANGAN DI LAUT.. #&?>{%*@!!!!!

Opa Pasiar Jakarta

Thn 90an di Jakarta msh ada Bis Tingkat;

Opa lagi btunggu BisTingkat 43 Priok-Cililitan. Opa kage Bis yg da tunggu BAKUSUSUN..

OPA (p dlm hati): keode! djkarta, ada kote tu BIS BAKUNAE..

Opa kase brenti tu Bis..

OPA: Klo ini pi mana?
KNEK: Cililitan, Opa..
OPA: Oh, klo yg atas?
KNEK: ??? SAMA nogh..

kong Opa nae..mar Opa da lepas slop sma dg da nae rumah..

KNEK: Opa! slop pake, nti ta tinggal..
OPA: biar jo..nda sopan pake slop, mo kotor nti tu Bis..
KNEK (garo2 kapala): ???
OPA: bole ta pi diatas?
KNEK: tserah!

kong Opa nae trus dudu dmuka, lia2 pmandangan..

"Supraptoo, Ada?!"
..kong ada Pnumpang turun..

"Sudarsoo, Ada?!"
..kong ada Pnumpang turun..

akhirnya, Bis brenti dtrminal induk mar Opa nda turun..

KNEK: Opa so sampe!
OPA: qta blum dpa pangge! tadi ngana pangge Suprapto, kong tu Suprapto TURUN..
KNEK: HAH?! Opa p nama apa dang?
Opa: ERNEST!!!

trus knek turung ulang kbwah, kong bapangge:

ERNEST!!! ERNEST!!!
kong Opa turun..

OPA (da ba cari): MANA TA PE SLOP???
KNEK: #&%*@!!!

Rice Cooker

Bangun pagi2,,,dia lngsung ciong pa kita, bagitu lei mo pi karja, kong kita bilang:
''Oh,, ini dang kita pe smokol pagi''

Depe siang kamari, kita pulang makang siang,,,
(butul kote orng blng 'hugel lebe setia) dia dola deng ciuman maut.

kita blng lei ''Say,, ini dang kita pe makan siang'' dia cm tatawa.

Abis makang bale pi karja,,

Dia pe sore kita pulang langsung ta kage amper ferlamin da lia qt pe hugel so tlanjang, so ndak pake cd kong ad dudu di atas rice cooker,,kong kita tanya ''Ada ba apa ngana''

apa dia jawab:
''ADA KASE PANAS NG PE MAKANG MALAM, SAY''

Alo Dapa Tilang

Polisi: Priiit!, selamat siang Pak, tolong SIM dan STNKnya"

Alo: "adooh sori komdan, lantaran so buru2 kt pe dompet yang ada isi SIM deng STNK tatinggal dirumah kasiang, mar blh ta month pi ambe dulu, ta pe rumah kwa cuma didekat situ, napa dapa2 lia dari sini"

Lantaran dapa rasa kasiang Polisi bilang. 

Polisi: "oke kali ini kita maafkan, nanti ngana pulang dulu for ambil SIM dng STNK kong abis itu ngana boleh lanjutkan ngana pe perjalanan"

Alo: (bersyukur) adooh makase banyak komdan"

Alo langsung capat2 pulang for ambe depe SIM deng STNK, pas dia babale ulang kage polisi yang tadi se brenti ulang pa dia.

Polisi: (priiiit!!)

Alo: kyapa komdan, napa kita pe SIM deng STNK"

Polisi: io butul so lengkap, mar mana ngana pe helm dang?"

Alo: " adoooh (paka testa), sori komdan kita dapa lupa lantaran so bingo da baku cari deng kita pe dompet, mar boleh kita mo pi ambe tu helm komdan?"

Polisi: oke2, kita masih maafkan pa ngana, mar kalo ngana babale leh kong masih ada yang belum lengkap kita month tilang pa ngana"

Alo: " makase banya skali ini komdan sori kita so beking repot"

Alo langsung capat2 bale karumah for ambe depe helm, waktu dia babale tu polisi yang tadi kase brenti ulang leh pa dia.

Polisi: " Priiiiiiit!"

Alo: " adooh kyapa leh komdan, napa kita so pake helm"

Polisi: "io ngana memang so pake helm, mar yang kita heran kyapa ngana cuma bajalang kaki dang!"

Balumpa dari Atas Gedung

Satu malam Alo deng Ungke da ba uni berita tentang orang yang month bunuh diri deng cara babuang dari gedung tingkat 5, sementara da ba uni, kage Alo bilang,,

Alo: " ungke menurut ngana dia month jadi balumpa atau nda?

Ungke: " month balumpa noh, kalo ngana dang?"

Alo: " kalo menurut kita nyanda"

Ungke: " bataru 50ribu jo torang dua, kalo dia balumpa kita yang menang, kalo nyanda ngana yang menang noh"

Alo: " oke"

Sudah noh, ternyata tu orang di berita jadi balumpa kong mati dang, deng sedih Alo kase depe doi 50ribu pa Ungke kong bilang..

Alo:" kita mangaku kalah noh, napa ngana pe doi 50ribu"

Eh kage Ungke bilang," sorry Alo, kita nyanda bisa trima ngana pe doi"

Alo:(heran)" kyapa soh?"

Ungke: " tu berita tadi kwa kita so nonton di berita tadi sore"

Alo: " ooh sama leh"

Ungke: (bale heran) " haah, kong kyapa ngana masih bataru dang?"

Alo: " yaah tapikir dang dia so kapo da balumpa tadi sore"

Pancuri Tenda

Alo deng Ance da pigi bakemping di utang, abis makang malam deng babagitar dimuka api unggun, Alo deng Ance maso tenda for istirahat. Kira2 5 jam kemudian Alo takage bangun kong iko kase bangun pa Ance.

Alo: " Ance coba ngana lia ka atas, kong bilang pa kita apa yang ngana lia"

Ance bahaga ka atas kong bilang, " yang kita lia panorama yang indah dengan bintang2 yang bertaburan"

Alo: " jadi kira2 itu menandakan apa?"

Ance: "itu menandakan Tuhan menciptakan Alam dan isinya dengan begitu sempurna hingga torang dua bisa menyaksikan depe keajaiban dang, kalo menurut ngana menandakan apa dang?"

Alo : kalo menurut kita ini menandakan torang pe tenda orang so pancuri kasiang"

Cuma Ngana Satu-satunya

Ada di rumah, maitua lagi baveto pa depe laki.

Maitua: " Kiapa ngana ndak bilang dari dulu kalo ngana pe miskin bagini...?!!

Paitua: "Kita so bilang.. tapi ngana yg nimau dengar ..ndak percaya..!


Maitua: " Memang dulu ..ngana da bilang apa so ??"


Paitua: "Kita da bilang dang...'Sayang.. cuma ngana satu-satunya yg kita miliki deng kita punya di dunia ini...! ' Eh..ngana cuma manyao .... So Sweet...!!!'

Maitua : " #!?!.@@..?##!! "

Mana Lebe Jao?

Satu malam Alo deng Ungke da dudu2 santai di dekker, kong cuma da haga2 bulan, kage Alo bilang, " eh Ungke mana lebe jao, Jakarta atau bulan?"

Kong Ungke jawab, "Jakarta noh", 

Alo iko tatawa kong bilang, " memang bogo2 ngana Ungke, supaya ngana tau jarak dari Manado ka Jakarta cuma 2,194 Km sedangkan jarak bumi ka bulan 384,400 Km, tantu bulan lebe jao noh"

Dengar itu Ungke panas kong bilang, " ah ngana tu yang bogo2, memangnya dari sini ngana boleh lia Jakarta soo?!"

Alo di Cafe

Alo maso di sebuah cafe yg jadi tampa nongkrong anak2 motor di Jakarta deng depe motor basar yang baru dia da beli, abis dia bagate sadiki dia kaluar for bacari angin dang, eh pas dia cari depe motor ternyata so nda ada ditampa parkir alias orang so pancuri.

Lia itu Alo maso ulang ka dalam cafe kong basuara karas pa orang2 di dalam kafe, " WOOI!!, Ngoni dengar samua, kita skarang mo pesan 1botol Bir, pokoknya awas!! kalo sampe abis kita pe bir kong kita pe motor bulum taparkir ulang dimuka, tu kejadian di manado mo jadi disini leh!!"

Nda hitung tiga samua tu anak2 motor talimburang kaluar kafe for cari Alo pe motor, deng nda sampe 15menit salah satu tu anak motor bilang pa Alo kalo depe motor dorang so dapa kong so ta parkir ulang dimuka kafe.

Waktu Alo somo pigi, tu pemilik cafe deng tako2 batanya pa Alo, " sori bos cuma mo tanya, memangnya ada kejadian apa soh di manado?", dengar itu Alo jawab," Kita pulang bajalang kaki noh"

Jadi Kiper

Satu hari di SD, Ada tu enci da lia depe salah satu anak murid yaitu Alo cuma da babadiri sandiri sementara depe tamang2 laeng da asik main bolakaki, karna rasa kasiang, tu enci badekat pa Alo kong bilang:,

Enci: " Alo ngana sakit?"

Alo:" nyanda enci"

Enci: " kong kyapa ngana cuma babadiri sandiri disini dang, pigi bermain sana deng ngana pe tamang2"

Alo: "ah kita lebe bae disini encii"

Enci: " kyapa soh, ngana malo?, atau dorang nemau mo bermain deng ngana?"

Alo: " ah nyanda enci"

Enci::(heran) " kalo bagitu kyapa dang?"

Alo: " yaah pa enci dang, kita ini Kiper enci, kalo kita leh mo kasana sapa yang mo bajaga gawang dang"

Semangka Pucat

Alo pigi ka pasar buah for babili semangka, sampe disana dia batanya pa om yang bajual.

"Om, berapa 1 kg ni semangka?", 

Om: " 10ribu Alo"

Alo takage kong jawab, "Pe mahal jo om itu hari kita da beli cuma 5000per kg"

Om: " ooh jangan salah ini semangka bagus kasiang, depe isi merah skali kong manis leh"

Alo Ambe doi didompet kong bilang, " timbang jo tu dua biji, awas e kalo depe isi nyanda merah kong tawar depe rasa", penjual jawab, " oh tenang Alo, kita jamin 100%",

Abis babayar Alo langsung bajalang kaluar pasar sambil dabawa2 biji semangka, waktu month turun tangga, nda sengaja tu semangka jatong kong pica, kong ternyataleh depe isi nyanda talalu merah alias pucat dang. 

Lantaran rasa ditipu Alo babale pa om yang bajual semangka kong bilang, " om badusta kang, bilang merah skali, mar kyapa ni semangka pe isi depe warna pucat skali bagini dang!!", 

Om yang bajual jawab, " masa Alo? ngana so makang soh tu semangka", Alo bilang, " bulum noh, tadi kwa ni semangka da jatong di tangga"

Dengar itu tu om bilang, " yaah Alo, jangankan semangka, ngana leh kalo jatong dari tangga pasti pucat"

Pesan Makanan di Restoran

Cewe deng cowo,,, pigi makang di restoran mar tu cowo bingo mo pesan apa karena samuua tu menu dalam bahasa inggris,

Cowo; Yangg, suka moo pesan apa?
Cewe; grin emoticon

 grin emoticon

Õoooº°˚ ˚°º... ºoº. Up to youu.

Kage tu cowo kras bataria: "PELAYAN! UP TO YOU 2 neh!"