Satu Siang di Bioskop Benteng

Kita kase pasiar bauni kita pe Opa di Bioskop Benteng, so nyanda ada skrang tu bioskop.

Bauni, felem tenga hari tua, pas hari libur.

Felem pe putar opa butul...terpengaruh deng felem. Mungkin lantaran baru pertama kali bauni felem. Adoh....awo.....yah....Opa salalu bakomentar......

Kira-kira so lewt batenga tu felem ada adegan ujang kras di felem.

Opa komen bagini : "Itu kwak ngana, tadi opa bilang bawa payung, nagana bilang nyanda usah. Napa so ujang"

Selang Oksigen

Satu waktu Bu’ terpaksa opnam di RS. Alo sebagai rekan mengajak tamang2 seperminuman satu lorong pigi besuk pa Bu’.

Di ruang rawat dorang lia Bu’ so punung selang malintang di depe badan. Alo dkk pikir ini Bu’so parah skali kong mungkin stou somo lewat.

Kemudian dorang dudu di sei pa Bu’. Sebagian berdiri, ada yg duduk di kursi, dan Alo duduk di Bu’ pe tampa tidor. Dorang angka cerita pa Bu’ mengenai kejadian2 di lorong selama ini. Bu’ Cuma senyum2 lantaran so saki parah, so nimbole bacirita.

Tiba2 Bu’ pe tangan totofore bergerak ba sein rupa mo minta pulpen deng kertas.

Alo cepat tanggap,..“Kase kamari pulpen deng kertas, mungkin Bu’ somo kase pesan2 terakhir stou..!!”
Pulpen deng kertas diberikan.

Alo bilang,… “Bu’ tulis jo apa Bu’ pe pesan kong torang somo berdoa for Bu’ neh !”

Kemudian dorang berdoa. Begitu amin,…dorang lia pa Bu’ so nda banafas, so lewat..:-(

“Yah…Bu’ kasiang so lewat kang,…eh mar coba cari akang itu depe pesan tadi..!” Alo bilang pa tamang2.

Dorang kurang dapa itu kertas deng pulpen di lantai. Kong Alo bilang …”baca akang dar kita pe mata so payah..!”.

Dorang buka kasiang itu kertas kong baca rame2 itu Bu’ pe pesan yg berbunyi….
“ALO NGANA SO DAPA DUDU AKANG ITU SELANG OKSIGEN..

Listrik Pompa Kuat-kuat

Di kampung pa alo blum ada listrik ... suatu waktu alo pasiar manado ... depe bale dikampung, dia cerita pa depe mama deng papa ......

"Ma tu Lampu Di Manado bagus ma ...."

Depe mama tanya " Bagimana so alo ? " ....

" Bagini ma dong pe lampu ... Tindis di dinding manyala di loteng ... bukan sama disini pompa kase kuat-kuat baru menyala " ...

Kalu Bukang BItung, Paling Girian

Ini Utu baru pindah skolah, kong dia blum talau lincah babaca

Di klas tu enci smntara kse bljar babaca. Waktu Enci suru baca tu di papan samua anak2 bataria "BITUNG!!!!!,enci taru kira ni utu cuma iko2 rame kong enci suru baca itu "BITUNG" pa utu sandiri,utu baca "BITUNG"!....

Kong tu ibu hapus akang 2 huruf di blakang kong suru baca pa Utu.,ni Utu so bingo....dia ba pkir tadi BITUNG skarang so se kurang 2 hruf...

Utu smntra ba pikir kong tu ibu feto!!capaat baca ini utuuu!!!!

kong utu baca...."bu...kalu bukang MANEMBONEMBO paling GIRIAN!!!