Slop Gepe

Enci: "Utu, gunakan bahasa Indonesia yang baik dan benar kalu mo beking tugas mengarang".

Depe malo kong dia beking rabu2 tugas mengarang baru, puisi.

Utu : "Kau injak aku, kau seret aku, tapi tak kau buang aku, kau manfaatkan aku, kau injak lagi, dan kau seret lagi, Terimakasih!".

Enci: "Wah, dalam skali tu puisi eh. Bagus Utu, maar ngana lupa kase judul. Mo kase judul apa voor ni puisi ?".

Utu: Selop Gepe.  !!!!!!!

Bacebo deng Stroom

Petugas PAM Manado mau menagih pembayaran air ke pelanggan "X"

PETUGAS : "Tanta, bagimana do'e ini, so 5 bln tanta blum pernah byar rekening aer"

IBU "X" : "Maaf Nyong, kita so nyanda doi. Kalamarin petugas PLN datang tagih pa torang, dorang bilang kata lampu somo kase putus kalo nyanda segera bayar, terpaksa kita bayar jo noh !!

PETUGAS : "iyooooo ..... Tanta, bayar jo dulu tuh listrik, nyanda usah byar tu AER, kong bacebo' jo deng STROOM ..... !!=))

"Di Atas Lia-lia"

Opa Alo pe pohong mangga di kobong nyanda pernah slamat dari tu papancuri, lantaran selalu papancuri ja lebe dulu akang tu de pe buah.

Opa Alo dapa akal, Opa iko ambe papang spanggal kong dia tulis dipapang...
"BIAR KITA NYANDA LIA, MAR DIATAS ADA LIA-LIA"...

Abis tulis, Opa iko paku dipohong mangga tu papang. So talalu komang kal tu papancuri nyanda mangarti.

De pe malam, papancuri so mulai ley bapete, kong dorang kage ada lia Opa so pasang papang kong tulis bagitu deng huruf basar2.

Brapa lama kwa tu papancuri langsung sebobale tu papang kong dia balas tu Opa ada tulisan :

"BIAR DIATAS ADA LIA-LIA MAR DIA NYANDA MO BILANG PA NGANA..."

Juta Ini, Anak!

satu hari ni alo pulang skola. kong dijalang oto kijang dapa sambar pa alo. pas sampe rumah
alo ba klak pa depe mama..

alo: maa, napa kita oto kijang ada sambar di jalang tadi..!

mama: kong dang…?

…alo: kong tu tuang oto turun kong dia kase 100 RIBU pa kita…

mama: ohh, mar ngana nya apa2 to alo?

alo: nda noh..

depe besok. pas alo pulang skola, dia lia depe mama ada ditenga jalang ada pele oto FUSO…

alo: ado kasiank FUSO itu mama !!

mama: badiam ngana anak… JUTA INI..!!!

"So di Bahu Ini?"

Opo' nae oto angkutan, dia mo turun di Bahu. Di oto opo' dudu samping cewe fasung. Diperjalanan Opo' tasono kong ja tasandar pa cewe p bahu.

Pertama tu cewe kase frei mar lama2 ni cewe mulai pastiu lantaran Opo' so keenakan, kong jaga sengaja ta tidor sampe pa cewe p dada.

Pas somo maso malalayang tu cewe kase bangun pa Opo'.

Pe ta bangun Opo' stel ba tanya pa tu cewe :‎​"cewe so dibahu ini?

Kong cewe manyao : "so lewat tu bahu,so di TOTO ini!"

Rumah Makang di Bawah Bunaken

Opo , utu dg ungke nae parao dari manado mo ka bunaken...

sampe di tenga2
laut antara manado dg bunaken terjadi kejadian aneh... opo terjun ka laut
kong menyelam,

5 menit opo di dalam aer kong opo kaluar :
opo : woi... qt nda sangka di dalam laut ada rumah makan katu kang... !?
nda rekeng tiga utu langsung ba lumpa kong menyelam...
amper 10 menit utu di dalam kong utu kaluar... :

utu : adoh iyo kang, qt so dari sana leh opo, depe makanan enak2 kang... !?
ungke yang ada di situ tambah penasaran... (Padahal opo dgn utu cuma beking
gila pa ungke)

nda pikir panjang ungke leh langsung ba lumpa,.. pe soe pa ungke... pas dia
balumpa, ada karang di bawah... kong ungke pe muka bintul, dg dp badan ta
cukur2 karana ta toki di karang...

blm sampe 3 menit ungke so timbul... ungke leh nimau mo malo, kong ungke
bilang pa utu dgn opo...

ungke : cukurungan deng ngoni dua... !!! ngoni ada makang nda bayar
kang... ? napa depe satpam so rako pa qt... !!!

Orang Manado deng Orang Toraja

Orang Manado: (pe sombong) “torang pe captikus, bakar manyala, mar torang cuma ja minum sama deng obat dokter.. pagi, siang, malam”

Orang Toraja: (so panas) “Cuma bagitu ?? kalo torang orang so mati torang se bajalang!”

Lantaran so pastiu Orang Manado Lngsung Angka Suara  ...

Orang manado: (so sombong, nimau kalah ley) “Ngoni orang mati ngoni kase bajalang, kalu torang orang bajalang, torang kase mati!”  !!  

NGA MO TESTTT  ......

Lupa Nama Bilang Sayang

Utu penasaran sekali, kiapa itu Opa disebelah rumah selalu pangge itu Oma dengan kata : sayang, cinta, manis, cantik, honey atau sweet heart.

Satu hari Utu so nyanda tahang, kong dia ba tanya pa Opa : "Opa do pe sayang skali kang pa Oma, buktinya sampe skarang Opa salalu pangge pa Oma deng kata-kata yang mesra."

Sambil bajalan pelan dengan diki-diki...Opa ba dekat pa Utu kong ba bise : "Kita kwa so lama lupa Oma pe nama sapa...."