Opa Utu deng Dokter

Dokter: Opa pe umur so nda lama, kita so nda bisa tolong. Opa pe panyaki so parah skali.

Opa Utu: Kong bagemana dang ?? Kita musti minum uba apa ?? Kase tau kamari, kita bli noh biar mahal kita mo bli asal bae.

Dokter: Opa pe panyaki ini so parah skali, jadi nda ada uba tu bisa beking bae, lebe bae Opa tiap hari pigi terapi pece jo di spa di prampatan sana.

Opa Utu: Kong kalu kita iko tu terapi, kita bisa bae toh ??

Dokter: Nyanda Opa, maar paling tidak, Opa so tabiasa deng tanah !!

Opa Utu: Haaaaa ?? Dokter seno !!

Terlambat Skolah

Guru: Alo, ..kiapa ngana terlambat hari ini..?

ALO: Kita da mimpi tadi malam ada dapa beli motor baru kong kita ba ron ron pake motor sampe lupa ta bangun pagi..

Guru: Aaaah..alasan ! Kong ngan dang Utu alasan apa...?

Utu: (deng muka bingo2) ..kita nintau apa-apa bu...kita cuma Alo da bonceng...!!!

Turut Berdukacita Sedalam-dalamnya

Tiga bulan abis Unggu pe laki meninggal, Unggu dapa laki baru. Orang tua kase jodoh
deng Utu tu duda kampung sablah.

Biar sebenarnya masih berduka, terpaksa Unggu terima pa Utu. Kong dorang dua kaweng bae-bae.

Waktu malam pertama, Unggu ba tunggu di tampa tidor, cuma ba tutu deng blangket. Waktu Utu buka tu blangket, dia lia Unggu nyanda pake baju, so batalanjang dari atas sampe pusa', tapi masih pake calana dalang warna itang.

Unggu bilang ==> "Utu, ta pe bibir, ta pe toto' sampe di pusa' so ngana punya skarang, tapi sorry jang marah neh, yang da pake itang di bawah, jang ngana kore ulu, masih berduka kasiang !!"

Utu nyanda ilang akal, kong dia bilang: "Nda apa-apa, say, tunggu sabantar neh !!"

Utu maso kamar mandi rabu-rabu, nda' lama dia so bale.

Utu so batalanjang deng so pake kapoces (kondom) warna itang en bilang pa Unggu: "Say ... yang da pake itang di bawah ini iko berduka, dia mo kase bela sungkawa yang sedalam-dalamnya!!"