"Saudara-saudari..."

Ini acara ulang taun desa. Semua undangan dari Camat sampe Kapolda so datang lengkap dengan pasangan masing-masing.

Pe lia tu tamu-tamu yang datang orang-orang top, Kuntua yang memang baru dilantik nda mau jao-jao kong dia mau dia le disebut kalau ada sambutan. Jadi dia mo suru jo pa Pala for kase kata sambutan. Kong kuntua pangge pa Utu, depe Pala.

Kuntua: Utu, kita kase kesempatan pa ngana tampil, ngana jo tu kase kata sambutan selamat datang.

Pala: Ala kuntua, kita nintau le mo bicara apa…

Kuntua: Bagini jo, ngana sapa samua tu tamu tamu undangan, kong ngana maso no di sambutan…maar jang lupa ngana bilang le kita, ngana pe Kuntua yang terhormat deng ibu nee, jang cuman pa Kapolda deng Camat tu terhormat.

Pala: Maar bagaimana dang mo mulai?

Kuntua: Mulai jo deng Saudara dan Saudari…

Kong Pala mulai…

Saudara Saudari yang saya kasihi,

yang terhormat Pak Kapolda dan ibu Kapoldi,

yang terhormat Pak Camat dan ibu Camit,

dan yang terhormat Pak Kuntua dan ibu Kunt … (kase trus akang jo :))

Lebe Bae Piara Bebe

Hari minggu siang di Tondano, Utu da santai2 bauni TV diruang tenga kong de pe Papa bataria…

Papa: UTUUU…kamari ngana, bli akang roko voor Papa…ngana ambe tu doi pa ngana pe mama pe dompet…

Utu stel pongo.

Papa: UTUUU..ngana da dengar Papa da bilang tadi…bli roko dulu ngana…

Utu (akhirnya manyao): Da bauni Pa…

Papa: UTUUU…Papa bilang sekarang, sana ngana bli roko voor Papa…

Utu: Nanti jo Pa, basore le sadiki, panas diluar..

Papa: Ooo pe soe le ni anak, lebe bae Papa piara bebek daripada piara pa ngana…

Utu: Iyo, piara jo Bebek, kong suru bli roko…

Ujang Sayang...

Ungke baca puisi for Mientje depe pujaan hati.

Ungke: GUNUNG TINGGI KAN KU DAKI, LAUTAN LUAS KAN KU SEBRANGI, BADAI GURUN KAN KU LALUI demi cinta ku padamu…..

Mientje: kong kiapa nya datang dang tadi malam….?

ungke: UJANG CHAYANK…..

Telor Remes

Oom Kale ada ba pasiar ke Jawa, ke Jogjakarta tepatnya. Siang-siang so lapar, oom Kale singga di warong Nasi Remes pinggir jalan. Dia iko maso kong so babalia menu. Nda berapa lama ibu pelayan warong datang pa Oom Kale pe meja.

Ibu pelayan: Selamat siang Pak, mau pesen apa?

Oom Kale: ini ada *sambil ba tunjung salah satu menu*

Ibu pelayan: Ooo telor remes? ada pak…Mau?

Oom Kale (malo2): Iyo mau, maar pelang-pelang nee…

Rambo

Ini kwa cerita lama, jaman taon 80an. Belum ada stou 21, baru ada bioskop-bioskop biasa.Utu ada pigi bauni filem, filem Rambo di President, dekat pasar 45. So rapi dia, pake baju gagah deng so pake perfyum lei dia.
Didalam bioskop memang rame, soalnya malam minggu ini, jadi banya orang datang bauni.

Filem so mulai, banyak bertempur deng bakalae, depe cerita kwa ni Rambo ada lari pi di hutang karena polisi-polisi da dusu. Top sekali dang tembak-tembak deng bakalae.

Utu setiap ni Rambo untung, dia ja sadiki bataria…
“Ooo lawang kwa tu Rambo”,
“Kacang-kacang ngoni, Rambo mo se abis pa ngoni”,
“barol kwa ngoni mo lawang”

amper sepanjang film kwa Utu bakomentar…

Sampe satu adegan, ada ni musuh badekat dari belakang so siap-siap mo tembak pa Rambo. Oooo Utu so tako sekali ni Rambo mo ta kana. So tegang, kage Utu bataria, kuat sekali…”RAMBOOO, ADA MUSUH PA NGANA PE BELAKANG!!”

Dan kebetulan, Rambo babale, lia tu musuh kong Rambo da tembak lebe dulu.

Puas sekali kong Utu bataria “TELE RAMBO, KALO NYANDA KITA SO MATI NGANA…”

Durian Kanintong

Sekarang so mulai maso musim durian. Jadi so mulai ada berdatangan ni tukang-tukang bajual durian. Utu so janji pa depe anak mo beli akang durian, jadi dia bacari ni durian, kong so mulai batawar…

Utu: Nyong, berapa dang ni durian satu?

Nyong: Tu dia 30ribu

Utu: Oda tele, pe mahal sekali komang…kiapa do pe mahal?

Nyong: Manis-manis ini Oom…jadi mo ambe berapa?

Utu: talalu mahal, pe kanintong (kacili) lei…

Nyong: kanintong kanintong…coba Oom talang enteru tu durian kanintong kalo bole…

Pancuri Popaya

Utu pe Mama mo beking gohu, maar masih kurang popaya. Kong dia suru Utu pete Oom No, dorang pe birman, pe popaya.Kong Utu pigi no pa Oom No pe kintal belakang kong so mulai cungkel tu popaya. Da sementara ba cungkel kong Oom No dapa riki…
Oom No: HEII UTU, da ba apa ngana? bapancuri popaya ngana?

Utu: Nda Oom, cuman da mo ambe falinggir (layang-layang)…

Oom No: Ngana mo beking apa tu falinggir..?

Utu: Mo beking gohu…

Kore-kore Gigi

Ungke kata kerja di rumah makan. Satu kali dia pe Bos pangge mangada.

Bos : “Ungke, kita somo pecat jo pa ngana ne.”

Ungke : “Ado, kyapa bos? Apa kasiang ta pe salah?”

Bos : “Bagimana kwa ngana, tiap kali kerja, tu kore2 gigi (tusuk gigi) cuma ja abis pa ngana. Lama2 rugi kita.”

Ungke : “Ih bukang kita ja se abis itu. Bos pe anak yang ja pake banyak2. Kita abis pake, kita taruh ulang pa depe tampa…”

PLN Mati Lampu

Amper satu Indonesia dapa virus mati lampu. PLN rupa hobi semati lampu, nda terkecuali di Utu pe kampung, Utu so grel lantaran de pe TV ada rusak karena nih mati lampu-mati lampu. Kong Utu ba telepon pa PLN mo ba klak.

Utu: Pak, kiapa ni lampu mati-mati terus, so rusak ta pe TV satu. Ngoni kira murah tu TV itu? Ngoni mo ganti itu?

Petugas: Maaf pak salah sambung.

Utu: Bukang cuman TV, kita pe lampu so berapa yang nda mo manyala, kulkas amper lewat. Ngoni kira tu doi ja jatung dari langit mo beli tu barang-barang…

Petugas: Maaf pak salah sambung, ini bukan PLN, ini PELNI pak…

(Oooppss Utu ta kage, so batoreba salah sambung lei…)

Utu: Iyo, sama lei ngoni, beli tiket jam 4 baru berangkat jam 10 malam …

Indomie Malam-malam

So tenga malam, maar Utu nda dapa tidor lantaran depe puru so lapar sekali. Lia di belakang so nda ada persedian mie instant. Jadi Utu batoki malam-malam pa Ko pe warong.Utu batoki.

Ko: Siapa?

Utu: Utu ini Ko, mo ba bli…

Ko: Ooo ngana Utu, ngana tau jam berapa ini? (Sadiki grel)

Utu: Iyo, sori sori ne Ko, maar ni puru so baciki minta mie…Ada indomie Ko?

Ko: Ada, rasa apa?

Utu: Indomi kari ayam ada?

Ko: Ada, harga 1500

Utu: Indomie rasa soto ayam dang?

Ko: Ada, harga 1500

Utu: Ko, ada tu harga 500?

Ko: Ada, Indomi rasa tai ayam

Maso Tentara Jo!

Suatu hari minggu yang cerah, Enci Ita ada mangajar di sekolah minggu di Gereja. Jadi sementara orang tua iko kebaktian di gereja, dorang pe anak-anak maso sekolah minggu.Enci Ita batanya pa anak-anak.

Enci Ita: Anak-anak, coba angka tangan siapa dari ngoni yang mo maso surga?

Anak-anak bakurebe ba angka tangan sambil bataria ‘Saya, saya saya’. Cumang ada satu tu babadiam nda angka tangan.

Enci Ita: Utu, kiapa ngana nda angka tangan? Ngana nimau maso surga?

Utu: Iyo Enci, kita nda usa jo…

Enci Ita: Kiapa ngana nimau maso surga?

Utu: Papa kwa bilang kita mo maso tentara jo…

Oma Darah Sanger

Ceritanya ada Oma mau periksa darah.

Dokter: Oma golongan darah apa?

Oma: Golongan Karya darah Sanger.

Dokter: bukang Oma, maksudnya Oma pe darah apa, A,B,O atau AB?

Oma: Keode Dokter! takira lei apa. Tulis jo darah Y.

Dokter: Ado Oma, nyanda ada komang darah Y.

Oma: Eh Dokter, ngana mo malawang? Itu darah Y darah Yesus yang ada tebus ngana pe dosa.

Hotel 45 Lante

Alo, Utu, Ungke pasiar ke jakarta. Dorang 3 menginap di hotel JW Marriot, hotel beken di Jakarta. Dorang pe kamar di lantai 45.
Siang-siang sampai malam mereka jalan-jalan ke mall, pas dorang pulang, sampe di lobby, tiba-tiba mati lampu . Lift juga iko mati jadi dorang tiga musti nae tangga pi pa dorang pe kamar.

Nah, supaya nda talalu barasa mo nae lantai 45, dorang berdiskusi kong berbagi tugas. Jadi dari lantai 1 sampai 15, Utu musti cerita grap-grap, kong lantai 16 sampai 30, Alo musti cerita setang-setang, kong dari lantai 31 sampai 45, Ungke yang se cerita sedih-sedih.

Jadi no dorang nae, Utu mulai cerita yang grap-grap beking dorang tatatawa sampe nda dapa rasa so dilantai 15. Lanjut Alo bacirita setang-setang, beking dorang tegang maar sampe no dorang di lantai 30.

Biar kaki so bangka maar dorang so sanang karena so badekat pa dorang pe kamar. Kong Ungke pe giliran.

Ungke (dengan ekspresi sedih): Sebenarnya dari tadi kita mo cerita maar tako nanti ngoni marah.

Utu: Cerita jo capat somo lantai 40 ini…

Ungke: Jadi begini…, itu kunci kamar ada tatinggal di oto dibawah.

Alo: Adooo Ungkeee…kiapa ngana nda bilang daritadi?

Ungke: Blum ta pe giliran ba carita…

Enak-enak Makan Tolor

Ini paitua, kerja sebagai pekerja lepas, jadi kadang-kadang ada kerja, kadang tra ada kerja!

Satu hari paitua dapa upah pas-pas, baru di rumah hanya ada sagu. Jadi paitua pi di pasar Hamadi, pi beli kelapa cukur utk campur deng sagu dan makan deng maitua dan anak-anak.

Sampe di rumah, suru maitua campur sagu deng kelapa cukur, trus duduk makan deng maitua dan anak-anak. Tiba-tiba paitua tacigi, ada rasa sakit skali, trus paitua taro piring jalan keblakang dan priksa paitua pung kelot yg rasa sakit skali itu.

Paitua dapa liat, ada semut itam yg kepala besar, ada gigit.

Paitua tangkap trus tarik dan jalan kemuka, Langsung paitua bicara sama itu semut: "Ko liat saya pung bini dan anak2 ada makang sagu deng kelapa cukur! Baru kau, enak-enak ada makan tolorrrr."

Bayar PLN

Petugas PAM Manado mau menagih pembayaran air ke pelanggan "X"

PETUGAS : "Tanta, bagimana do'e ini, so 5 bln tanta blum pernah byar rekening aer"

IBU "X" : "Maaf Nyong, kita so nyanda doi. Kalamarin petugas PLN datang tagih pa torang, dorang bilang kata lampu somo kase putus kalo nyanda segera bayar, terpaksa kita bayar jo noh !!

PETUGAS : "iyooooo ..... Tanta, bayar jo dulu tuh listrik, nyanda usah byar tu AER, kong bacebo' jo deng STROOM ..... !!=))

Leonardo di Caprio dapa Interview

Ada negro baru kaluar dari pertapaan. Kemudian kenalan deng tu orang-orang kampung kong mangaku Leonardo Di Caprio.

Suatu hari tu negro maninggal. Di akhirat malaikat da interogasi pa dia.

Malaikat: Sapa ngana pe nama dang, brur?
Negro: Leonardo Di Caprio
Malaikat: Ah.... Iyo so...?? Tunggu kita mo ba telpon dulu mo tanya.

Malaikat langsung ambe depe BB, kong ba telpon.

Ni negro bingung... Dalam hati dia bilang, "da ba telpon pa sapa ni malaikat?"

Malaikat: "Hellow... Sorry bole baganggu sadiki? Mo tanya dang, sebenarnya Titanic itu tenggelam ato tabakar dang? Napa kwa' Leonardo so angus bagini..!?!"

Kuda Pake Rhemason

Waktu itu tu om Utu sementara bawa bendi ada bawa panumpang ka
pasar.... ndak tahu kenapa tu kuda so malas-malas bajalang...

Om Utu so rako-rako dengan cambok mar dia cuma kase suara hhrssss...
ulang ulang ....so marah tu kuda mar dia ndak mau bajalang...

Om Utu turung tarek tu kuda mar tu kuda tetap ndak mau bajalang .... tu panumpang so mulai marah-marah. "Eh Utu mo capat momasa ini kiapa
lei ngana pe kuda ndak mau bajalang eh ....tu pasar stou somo tutu."

Lalu tu tanta Minca yang ada manumpang kebetulan ada bawa remason, maklum biasa jaga-jaga jangan maso angin... Lalu tanta Mince
iseng bilang pa om Utu. "Utu, coba kwa ngana goso sadiki ka sana pa kuda pe anu, sapa tahu so blas makanya coba goso kasana sapa tahu capat bae toh kong dia mau bajalang."

Om Utu ambe lalu dia goso pa kuda pe rudal. Ndak reken 3 ....kuda langsung tancap gas, om Utu so
tatinggal .... om Utu balari mo dusu ndak mo dapa dusu....dia so bingo bagimana caranya mo dusu tu bendi.... dia ndak ilang akal ....dia bilang masak kuda ada goso dengan remason langsung jadi kuat balari.....dia le langsung ambe tu remason lalu dia goso ....brrrr.....ndak reken 3 le om Utu langsung cumigi balari sampe dapa dusu tu kuda.

Berdoa Bahasa Belanda

Hanya buat yg masih ada keturunan belanda. Hehehehe

Cucu ke Bel anda liat dia pe Opa yg sakit, Opa pesan "Cucu kalo Opa mati Yei yg berdoa di makam en harus pake bhsa Blanda". Nda' lama Opa mati.
Jadi di pemakaman org2 suruh cucu berdoa sesuai Opa pe permintaan.
Cucu nda' bisa bhsa Blanda tapi krn org2 samua so tunggu, jadi dgn gugup cucu berdoa bagini ; ??? CANGKUL and DE SKOPEN,,,,
DROP TU TANAH. TUTUP EN PROP ,,,,,
EN YEI OPA STAND BY VOOR CACING VERMAK YEI

Lagu Brapa Puluh Taong Lalu

Ungke ka toko kaset...dia ba tanya...
" Ko'..!, ada kaset brapa puluh taong lalu..??"
Ko' bilang... " Disini kaset baru samua..!"
Ungke ba' kuat... " Bukan Ko..!, tu lagu Papa ada kase tinggal danggg...? "...
Ko' so nafsu... " EHHH...UNGKE..!!!, NGANA PE PAPA NYANDA PERNAH KASE TINGGAL KASET DISINI..!!!