Kita Nyanda Lia

Suatu malang yang sunyi 3 orang pokpok lagi bacarita sapa yang lebe jago.
Pokpok 1 : Coba tong tiga sapa lebeh jago dari torang tiga.
Pokpok2 & 3 : Siap takut…

Kong dorang tiga baku suten, akhirnya pokpok no 1 yang lebeh dulu buktikan kejagoannya terus pokpok 2 & 3.
Pokpok 1 langsung terbang secepat kilat, kira-kira 2 menit dia so bale, dari depe mulu kaluar darah segar.
Pokpok 1 : Ngoni da lia itu desa disana ?
Pokpok 2 & 3:,” Iyo….!!!
Pokpok 1 : Samua rata,,,, kita so kase abis. ( sambile tertawa puas )

Pokpok 2 nemau mo kalah, lang dia terbangleh secepat kilat, kira-kira 3 menit dia sobaleh sambil depe mulut deng depe tangan ba darah segar.
Pokpok 2 : Ngoni da lia itu kota disana ?
Pokpok1 & 3 : “ Iyo….!!!
Pokpok 2 : Samua rata,,, kita so makiag dorang samua,,, ha..ha…ha

Pokpok 3 nemau kalah leh, langsung dia terbang secepat kilat bahkan sangat cepat, cuman 1 menit dia so baleh, sambil depe mata, idong, mulu deng depe badan kaluar darah segar.
Pokpok 1 & 2 !!!! pe dalam hati,,, pe mai… kalah Komang torang dua. Langsung pokpok 3 batanya,,,,
Pokpok 3 : Ngoni ada lia itu tiang listrik di sana ?????
Pokpok 1&2 : “ Iyo…..!!!
Pokpok 3 : “ Pe mai kita nyanda lia
______

Thanks July so kirim akang :D

Batata

Paitua marah-marah, karma maitua salalu pulang lat,,,
Setiap Tanya dari mana ?....maitua bilang dari “ Tata Boga, Tata Usaha, Tata Rias deng Tata-Tata yang laeng.
Paitua bilang ; …E,eee Maitua ! ngana Cuma bingo deng sagala urusan Tata, ngana solupa itu kita pe Tatabembeng deng Tatagantong jang Tatalupa nanti somo Tatalipaaaaa.

Tunggu Oto Lewat

Utu so rasa bermain pe ungke perumah, jadi minta ijin pa depe mama.
Utu : mama, kita mo pigi bermain pa ungke perumah neh
Mama : Boleh, mar ngana so smokol ?
Utu : Sudah Ma, papa pe smokol stengahleh kita sobage.
Mama : Kalo bagitu boleh noch noh, mar hati-hati deng inga bae-bae tunggu Oto lewat baru bapotong jalang neh
Utu : Oke mama, sambil berlalu pigi
Dua jam kemudia Utu bale ka rumah manangis tahede-hede.
Mama : Utu kiapa do’e manangis ? dorang ada bage pangana atau dorang ada cubit?
Utu : nyanda
Mama : Ato dorang ada ambe ngana pemainan,,, dorang nentau stou mama pe jaha kang !
Utu : Bukang mama.
Mama : Jadi apa dang sampe ngana manangis tahede-hede bagitu ?
Utu : Mama bilang kang inga-inga kalu mo bapotong tunggu Oto lewat.
Mama : Io noh supaya ngana nyanda cilaka.
Utu : Noh… dari tadi nyanda ada Oto lewat, jadi kita nyada dapa bapotong jalang, padahal ungke so pangge-pangge. Makanya noh kita manangis.

Pohong Kalapa

Lima taong kemudian baku dapa ulang tu Pace deng Paitua, kong sama-sama baru pulang dari kobong.
Pace : coba ngana duduk disebelah sini, kong ngana lia tu sana ..
Paitua : apa itu.. ngana cuma suruh lia tu pohong kalapa yang nyanda ada daong dang..!?
Pace : kalu ngana tau itu pohong kalapa dari pakita pe kobong.. dia bukang nda ada daong, tapi dia petinggi sampe diawan…
makanya dia pedaong tatutu deng awan…
Paitua : [ sojelas itu tinggal batang kalapa.. tapi bapikir keras karna nemau kalah rupa tu batang kangkong, akhirnya dia bilang ] itu belum apa-apa…
Pace : pangana ada pohong kalapa yang lebe tinggi dari kita punya so…???
Paitua : [ sambil badiri mo pulang, kong dia bilang ] dengar bae-bae… tu pohong kalapa kita punya... kalu kalapa muda ciri dari atas, sampe dibawah so batombong…… ngana bayangkan sandiri jo ne, somo pulang kita....
Pace : kurang ekor, dia dapa Komang pakita…….